आजाराशी संबंधित कोणतीही लक्षणे दिसल्यास त्वरित संपर्क साधा..
जिल्हाधिकारी डॉ. मित्ताली सेठी यांचे जनतेला आवाहन
नंदुरबार | दिनांक ५ फेब्रुवारी २०२५ (जिमाका)
“नंदुरबार जिल्ह्यात गुलेन बॅरी सिंड्रोम (GBS) चा पहिला संशयित रुग्ण आढळल्याने जिल्हा प्रशासन व संपूर्ण आरोग्य यंत्रणा सतर्क झाली आहे,” अशी माहिती जिल्हाधिकारी डॉ. मित्ताली सेठी यांनी दिली.
अक्कलकुवा तालुक्यातील 11 वर्षीय मुलीवर जीबीएसची संशयित रूग्ण म्हणून नंदुरबार शासकीय वैद्यकीय महाविद्यालयात उपचार सुरू असून ती सध्या अतिदक्षता विभागात आहे व तिची प्रकृती स्थिर आहे.नागरिकांनी घाबरून न जाता सतर्क राहावे!
आरोग्याशी संबंधित कोणतीही असामान्य लक्षणे आढळल्यास त्वरित जवळच्या आरोग्य केंद्राशी संपर्क साधावा.
जिल्हाभरातील आरोग्य यंत्रणा सतर्क
प्रभावित गावातील पाण्याच्या नमुन्यांची तातडीने तपासणी ,शासकीय वैद्यकीय महाविद्यालयात 20 खाटांचा अद्यावत कक्ष, संभाव्य रुग्णांसाठी विशेष तपासणी आणि उपचार केंद्रे सज्ज नागरिकांना महत्त्वाचे आवाहन:
अफवांवर विश्वास ठेवू नका!
प्रशासनाच्या अधिकृत सूचनांचे पालन करा.
सजग राहा, प्रशासनाला सहकार्य करा..!
