सार्वजनिक गुजराती प्राथमिक शाळा येथे वार्षिक बक्षीस वितरण कार्यक्रम संपन्न

दि नवापुर एज्युकेशन सोसायटी संचलित स्व. जमनादास मणिलाल शाह सार्वजनिक गुजराती प्राथमिक शाळा येथे वार्षिक बक्षीस वितरण कार्यक्रम संपन्न झाला या कार्यक्रमात अध्यक्षस्थानी दि नवापूर एज्युकेशन सोसायटीचे संचालक  हेमंतभाई शहा होते व प्रमुख पाहुणे म्हणून मोहम्मद भाई मुल्ला, कल्पेश कुमार जोशी, पराग भाई ठक्कर, राजेशभाई अग्रवाल  तसेच संस्था संचलित इतर शाळेचे मुख्याध्यापक  मिलिंद वाघ, एकताबेन देसाई व पालक गण उपस्थित होते.

कार्यक्रमाची सुरुवात सरस्वती मातेचे पूजनाने करण्यात आली. नंतर संस्थेचे पदाधिकारी यांचे पुष्पगुच्छ देऊन त्यांचे स्वागत करण्यात आले. कार्यक्रमाचे प्रास्ताविक  निलेश प्रजापत यांनी केले व सूत्रसंचालन  जेनिस सर यांनी केले. त्यानंतर कार्यक्रमाचे अध्यक्ष  हेमंत भाई शाह यांनी विद्यार्थ्यांना एक गोष्टीद्वारे अमूल्य मार्गदर्शन केले व सर्व विद्यार्थ्यांना त्यांच्याकडून डेरीमिल्क देण्यात आली.

कार्यक्रमाच्या यशस्वीतेसाठी  निलेश सर श्रीमती हेतल मॅडम,  महंमद जी सर , जेनिस सर व शिपाई आकाश गावित विष्णू गावित यांनी परिश्रम घेत घेतले