कोंडाईबारी घाटात वृक्षरोपे घेऊन येणारा मालट्रक पलटी
नंदुरबार जिल्ह्यातील कोंडाईबारी घाटातील रस्ता मृत्यूचा सापळा बनला असून येथे दररोज वाहन चालवणाऱ्याना अपघातांना खुले निमंत्रण मिळत आहे.परंतु महामार्ग प्राधिकरण अधिकारी व त्यांचे ठेकेदार मात्र झोपेचे सोंग घेऊन पडले आहेत.
राजमुदरी हून अहमदाबाद येथे वृक्षरोपे घेऊन जाणारा मालट्रॅक क्र.GJ 32 T9345 हा मालट्रॅक रस्त्याच्या पलीकडे पलटी झाल्याची घटना घडली आहे.या अपघातात पूजाभाई वय 30, राणाभाई वय 30 दोन्ही रा. जामनगर हे ट्रकच्या केबिन मध्ये अडकल्याने गंभीर जखमी झाले आहेत.त्या दोघांना इतर वाहन चालकांच्या मदतीने बाहेर काढण्यात आले.अपघाताची माहिती मिळताच अपघातग्रस्तांना विनामूल्य सेवा देणाऱी रुग्णवाहिका नाणीज धाम जगद्गुरु नरेंद्रचार्य महाराज संस्थान रुग्णवाहिकेचे पायलट सुरेश वसावे यांनी तात्काळ विसरवाडी ग्रामीण रुग्णालय येथे उपचारासाठी दाखल करण्यात आले.त्यातील एकाची प्रकृती चिन्ताजनक असल्याने पुढील उपचारासाठी नंदुरबार जिल्हा रुग्णालयात हळविण्यात आल्याची माहिती मिळत आहे. अपघात एवढा भीषण होता की ट्रकचे मोठ्या नुकसान झालेअसून ट्रकचे केबिन चक्काचूर झाले आहे. एवढे अपघात होत असताना देखील महामार्ग प्राधिकरणचे अधिकारी व त्यांचे ठेकेदार मात्र झोपेचे सोंग घेताना दिसून येत आहेत. या महामार्गावर अपेक्षित अशा महामार्ग प्राधिकरणाचे कर्मचारी या ठिकाणी दिसत नसल्यामुळे या रस्त्यावर येणाऱ्या जाणाऱ्या वाहन चालकांकडून नाराजी व्यक्त होत आहे.
